零八第一篇(一月十四日)

睇返之前既xanga,原來零七年寫得幾次,不過今年一定要寫多D!因為依家開始唔記得野,就算你問返我前日做過D咩,有可能答唔到.所以每日記低自己既事都好呀!講下一月一日先喇!個日係我一個勁好運既日子,係好難得到叱吒鬥票既情況之下,咁都比我抽中兩張,所以約埋阿才去睇,第一次睇現場,第一次投票,第一次完完整整咁睇叱吒.感覺相當不俗!!!不過可惜既係我做左最佳損友,唔理阿才,自己睇到十二點,等佢一個人十一點就返屋企(佢呀爸命令佢早返).我本身都想同佢一齊走,但係實在太早,連叱吒樂壇組合金銀銅都未頒,所以我決定留低.如果再有機會,我一定唔會再讓你獨自走ca!當然,睇Show係要付出代價!因為二號就開始考試!!!!!!!!!.........................

當然,我同上次一樣,無咩比過力落去,唔經唔覺就過哂成個考試,我地班人就即刻走去玩,而我就作出我人生既第一次,連續唔訓四十個鐘.由一月十一號早晨八點開始,至到十三號夜晚一點,個幾日首先有聆聽既考試,考到一點幾,之後年宵要開會,講下花,樽同星期六返大陸既野,到兩點幾先返到屋企,就即刻去同我媽媽同姑婆飲茶,飲到三點幾四點,返屋企座左一陣就去探我阿爸,逗留到七點半,就閃去同大傻,華姐睇戲(玩具獎門人),都幾好睇,幾好笑,總好過梁子文個D爛GaG!!!睇完戲都九點幾,我地去左尖咀食巴西燒烤任食,個間野我第二次去食,無咁多人,又無咁貴,所以感覺好左,不過佢地兩個真係好細食,一陣就食飽,唔抵!!好彩有我補返條數!!!<----自大怪.食完同佢地吹左一陣海風,就返屋企,由於兩個家姐都唔返黎訓既關係,所以我約左羅國輝同子豪哥打麻雀(仲有華姐)打呀打,一路係咁輸,點知最後個局華姐食左八番自摸,令到試過贏到五十蚊既趙子豪都輸,所以佢地堅持打埋東圈,第一盤,羅國輝打隻東比我,之後槓上自摸(八番),第二盤,等門清平胡無花,點知又自摸(四番),之後第三盤再做平胡,見華姐打就即刻食左佢,以免比人食,但係最後一盤華姐再次八番自摸,搞到佢贏三十,我贏二十五,幫美婷報到仇!由兩點打到八點,原本想訓,但係應承左女社長跳啦啦隊,所以換一換杉就趕去學舞,學到十二點多D,就返屋企換返便服返大陸,因為年宵要買貨,點知因為小睡所以遲到,伯母(畢太)對我們完全失望!我同呀Dee都唔咁再多野講!我地上左去買好多野,有老鼠公仔,有電話繩,有老鼠錢箱,有玻璃樽,仲有女社長叫我買既啦啦球!一袋袋好重咁有國內搬落香港!放低D野,沖完個涼就已經七點幾,就出去同小明行街,去左潮特買"PompomPurin2008Diary"仲有四葉妹妹第二同第第四本!收獲豐富,但係小明就咩都買唔到,只得個行,希望佢呢幾日會買到喇!到十點鐘就去食日本料理放題,不斷食,食完都成十一點,去得車站都十二點,成一點先返到屋企,真係要上床訓下,因為成四十幾個鐘無訓!

係街行緊既時候,我真係好想講一句:愛回家

訓左八個鐘到,就起身睇返勁歌頒獎禮,探呀爸,食飯,準備派卷.今日派左少少卷,等埋聽日同後日派哂先再講!@_@